Ariv azot dosi Lantant Ranpar

Boutikèr Ranpar i fé konèt azot

Boutiker RanparNouvo mail po kontak Boutikèr Ranpar : boutiker.ranpar@gmail.com
Boutikèr Ranpar

 

 

Po zot konèt :

Boutiker RanparLantant Ranpar la mèt anplas son Boutikèr Ranpar in lèspas vant solidèr po domoun na poin tro moiyin asté sèr.

Ala paz facebook é sit Boutikèr Ranpar :

Paz Facebook Boutikèr Ranpar : https://www.facebook.com/boutiker.ranpar/

Sit Web Boutikèr Ranpar :  http://boutiker-ranpar.e-monsite.com/

Tanto zot i poura nir asté dosi térin dé foi dan la sominn sikoté Tanpon kan sra pré na fé konèt azot landroi.

Lantant Ranpar & Boutikèr Ranpar

 

 

Copie de logo lantant ranpar jpeg

kisa ilé ?

LANTANT RANPAR
‘’ In lantant sosial é kiltirèl rénioné ‘’


Lé èk kontantman, nou akèy azot dosi lo sit wèb Lantant Ranpar


Lantant Ranpar : kisa ilé ?


Lé in lantant sikoté Tanpon i milit po lidandité rénioné é tou sat i fé nout kalité kréol dan nout vi toulézour é i milit dan lo koté sosial é kiltirèl. in lantant na in not manirwar lo koté kiltirèl é sosial dann Tanpon é Larénion…


Lo potomitan Lantant Ranpar lé lo koté kiltirèl é sosial
Lantant Ranpar in lantant lapa sibvansioné lib é indépandan.
Lantant Ranpar aryink dosi lo wèb po linstan...


Pokosa lo non Ranpar ?

Non doné par Félix Clain fénésansèr lo non Lantant Ranpar In ranpar po protèz tou sat i fé nout kalité rénioné kisoi kiltirèl, lidantité, sosial, lanvironnman, In ranpar po lité kont bann kolonial lapo tinn nout péi.

 

Bon koudzié zot tout...

Zot vizit i fé plézir anou

 

Po zot konèt: Tout zartik avan mèt si Lantant Ranpar lé kontrolé. Bann kozman angrinn , difamatoir, rasis, zénofob lé rofizé.
* Tout roprodiksion kopiaz, kisoi tèks, foto, fo domann lotorizasion lo responsab lo Sit Wèb.

 

Sit Lantant Ranpar : http://lantant-ranpar.e-monsite.com
Paz Facebook Lantant Ranpar : https://www.facebook.com/lantant.ranpar/


Lantant Ranpar – Prézidan : Félix CLAIN – In lantant déklaré - N° R.N.A : W9R2001123 - Siret N° 480 724 905 00017 – Ladrès : Dan lo Sid LarénionTanpon – Bwatmèl : lt-ranpar-re@laposte.net - *In Sit  Péi Larénion - Rèsponsab lo Sit : Félix CLAIN
 

 

Po konèt

Lantant Ranpar lé in lantant i may pa èk la rolizion, i pé done son manirwar po lo koté politik, lapa amaré èk pèrsone. 
In lantant po solidariz anou fénésansé par bann militan rénioné é done la min bann domoun mizèr bordé dann la sosiété noulé dodan zordi.

 

Poindvizé

Mèt anplas in boutik lantant, sosial, solidèr, kiltirèl  po vann bann don rékipéré é bann produi an dépot vant po finans bann zaksion sosial é kiltirèl Lantant Ranpar. Mèt an lèr lidantité kiltirel rénioné, nout lang kréol rénioné partou dann nout péi é ansanm in radio an kréol rénioné térès é intèrnèt.
 

Manirwar 


koté kiltirèl

Milit po nout lang kréol rénioné grafi swazi 77 é kwz 1983 lé lografi Lantant Ranpar i ansèrv é osi po tyinbo nout patrimoine kiltirèl. Nout lang kréol zarboutan po lasosiasion dan son travay toulézour.


koté sosial

Milit po èd bann domoun atèr bordé dann sosiété kolonial nou viv zordi dodan po zot artrouv in dinité in vi méyèr po in not domin pli gayar po zot.
Lantant Ranpar i vé èt lib dan son mazinasion koman li wa lo koté sosial li vé pa anmar ali èk konplikasion ladministrasion kolonial po èd domoun atèr Lantant Ranpar i krwa sak moun lé kab pran ali anmin po sort dann bèzman lavi pa atann fasilité lo sistinm kolonial i done.
Lantant Ranpar i vé pa èt in lantant konm lé zot mé in lantant kosté èk lo pèp po maziné é viv an rénioné.


Kosa i kontfé

Po linstan wa fé son travay dosi lo wèb ék in ''Boutikèr Lantant'' po vann bann zobzé ramasé èk domoun é zantropriz. 
Lantant Ranpar i domann pa souplé larzan kikséswa sat la bézoin po lo Boutik Lantant bann zobzé zot i ansèrv pi lé ankor an bon léta olierk zété propoz Lantant Ranpar sra vandi in ti pri po bann domoun lé dan lo bézoin larzan ramasé sra po finans bann zaktivité sosial é kiltirèl Lantant Ranpar.

 

Lantant Ranpar '' Asosiasion sosial é kiltirèl rénioné ''

 

Bann tournéviré Boutikèr Ranpar po inform azot

Boutiker Ranpar

 

 

 

 

BOUTIKER RANPAR I ATANN AZOT

Vien  bat in karé dosi Sit Web BOUTIKER RANPAR
 http://boutiker-ranpar.e-monsite.com/ po konèt bann nouvèl néna dosi. 
Boutikèr Ranpar  '' Boutik Sosial ''


BOUTIKER RANPAR I ATANN AZOT

Vien bat in karé dosi Paz FACEBOOK BOUTIKER RANPAR

https://www.facebook.com/boutiker.ranpar/ po konèt bann nouvèl néna dosi.

Boutikèr Ranpar '' Boutik Sosial ''


Boutikèr Ranpar
'' In Lèspas Vant Solidèr ''


Dosi Boutikèr Ranpar èk lo tan zot wa trouv in tralé zafèr Linz (an kor an bon léta) soulié (ankor an bon léta) vésèl, liv , cd, dvd, zé marmay, zodzé dékorasion, zobzé i trouv pi tro, zoutiy é dot ankor... Tyinbo Ansanm

Paz Facebook Boutikèr Ranpar : https://www.facebook.com/boutiker.ranpar/

Sit Web Boutikèr Ranpar : http://boutiker-ranpar.e-monsite.com/

Boutikèr Ranpar '' Boutik Sosial ''  


 

×